Аудио плеер
0:00
--:--
Қазақша мәтін
Бұрын адамдар төрт уақыт туралы айтқан. Бірінші уақытты «жолбарыс заманы» деген. Жолбарыс – үлкен және күшті аң. Ол түйе, жылқы сияқты жануарды ұстап, азық етеді. Адам оның алдында тыныш тұрса, жолбарыс оған тимейді. Сол уақытта күшті адамдар басқаларға қатал болған.
Екінші уақытты «қасқыр заманы» деген. Қасқырдың күші жолбарыстан аз, бірақ ол қойды ұстап, тез жейді. Қасқырлар бірге жүреді. Жалғыз адамды көрсе, ұлып басқа қасқырларды шақырады да адамға қастық істейді. Сол уақытта адамдар да бір-біріне жаман іс жасаған.
Үшінші уақыт – «түлкі заманы». Түлкі күшті емес. Ол тамақты бірден алмайды, көп қарайды. Адамдар оған қақпанға тамақ қояды, бірақ түлкі бірден жемейді. Сол уақытта адамдар да істі ақылмен жасап, өзіне керек нәрсені ойлаған.
Төртінші уақыт – «ит заманы». Ит адаммен бірге тұрады және үйді қорғайды. Бірақ иттер кейде тамақ үшін таласады. Осы төрт аң туралы мысалдар бұрын адамдардың өмірі қандай болғанын көрсетеді.