Жерден шыққан көйлек

Бір күні Тани әкесінің жерге дән сеуіп жатқанын көрді. Ол: «Әке, не істеп жатырсың?» - деп сұрады. Әкесі: «Саған және Бәшенге көйлек тігу үшін кендір егіп жатырмын», - деді. Тани бұл сөзге таңғалды. Екі аптадан кейін сол жерге шөп шықты. Әжесі мен апалары келіп, арасындағы арамшөптерді жұлды. Біраз уақыттан кейін кендір гүлдеді. Гүлдің түсі көк еді. Тани өзінің көйлегі қандай болады деп ойлады. Гүлдер түскен соң өсімдік сары болып, қурады. Әжесі мен апалары кендірді жерден жұлып алып, күнге жайды. Кепкен соң басын кесіп, сабақтарын суға салды. Кейін оны судан шығарып, қайта кептіріп, тарақпен тарады. Қыста апалары кендірден жіп жасады. Әжесі сол жіптен мата тоқыды. Матаны қарға және күнге жайып, үстіне су септі. Мата ақ болды. Әжесі және апалары матадан әдемі көйлек тікті. Жаңа жылда Тани мен Бәшен жаңа ақ көйлек киді. Тани әкесінің сөзін енді толық түсінді.