Достық көмек (үзінді)

Базаралы Әйгерімнің жылы үйінде қонақ болды. Абаймен бірге отырған жастар. Әңгіме адамгершілік пен достық туралы болғанда, Базаралы өз өмірінен бір оқиғаны айтып берді. Бір кезде ол айдауда жүрген. Елге қайту үшін айдаудан қашпақ болып, екі қарт орысқа ойын айтқан. Олар Базаралыға көмектесіп, қол-аяғындағы кісенді кесіп берген. Бұл екі адам одан ештеңе күтпеген. Өздері үшін қауіпті болса да, оған қашуға көмектескен. Базаралы кейін көп қала арқылы жүргенін айтты. Ол кедей адамдардың үйіне тоқтаған. Үй иелері Базаралыны түсініп, тамақ берген. Базаралы сол үйлерде күндіз демалған. Кейде адамдар алда қандай жол бар екенін айтып отырған. Қауіпті жерлерде олар түнде Базаралымен бірге жүрген. Осындай көмек көрген сайын Базаралының адамдарға деген сенімі күшейген. Ол бұл жақсылықты адамгершілік пен достық деп санаған. Жол бойында кездескен адамдар туралы ол ерекше ықыласпен еске алды. Олардың көмегі Базаралыға күш берген. Ол қиын уақытта жалғыз емес екенін сезінген. Ол екі қарттың және жолдағы адамдардың көмегін ұзақ уақыт есте сақтап, кейін бұл туралы достарына да жиі айтып жүрді. Абай Базаралыдан жолда көрген адамдар туралы әңгімесін жалғастыруын өтінді. Базаралы әр қалада көмектескен адамдарды айтып шықты. Абай мен жастар оның сөзін қызығып тыңдады. Олар қиын кезде ештеңе күтпей көмек беру достық екенін түсінді.