Аурудан аяған күштірек

Сейіт көшеде жүгіріп бара жатады. Бір арбалы адам оны байқамай соғып кетеді. Баланың аяғы сынады. Ол қатты ауырып, жылай бастайды. Анасы баласын осындай күйде көріп, қатты қорқады. Шошынғаннан есінен танып қалады. Мұны көрген Сейіт жылауын қояды. Сынықшы оның аяғын орнына салып, таңып жатқанда да бала дыбыс шығармайды. Қабағын да шытпайды. – Аяғың ауырмай ма? Неге үндемей жатырсың? – деп сұрайды сынықшы. Анасы сыртқа шыққан соң, Сейіт терең дем алады. Ол сынықшыға сыбырлап: – Аяғым өте қатты ауырып тұр. Шыдау оңай емес. Бірақ менің қиналғанымды көрсе, анам да қиналады. Оны уайымдатқым келмейді. Анамды аяғандықтан шыдап жатырмын, – дейді. Бала өз аяғы ауырса да, анасының көңілін ойлаған екен. Сөздік: арбалы адам - cart driver есінен тану - to faint; to lose consciousness сынықшы - traditional bonesetter таңу - to bandage қабағын шыту - to frown; to grimace сыбырлау - to whisper шыдау - to endure; to bear аяу - to feel compassion for

Ыбырай Алтынсарин. «Аурудан аяған күштірек». Wikisource, электрондық мәтін.