Аудио плеер
0:00
--:--
Қазақша мәтін
Ертеде Қазан ханының денесі ала ұлы болады. Өзімен қатарлас балалар оны «Алаша» деп атайды. Бала бұл сөзге ренжіп жүреді, дегенмен ештеңе дей алмайды. Ер жеткен соң ол басқа жаққа кетуді ойлап жүреді. Содан бала ер жетіп, өзімен бірге жүз жігітті ертіп, елден кетіп қалады.
Арада бір жыл өткенде хан баласының жағдайын білу үшін жүз жігітті соңынан жібереді. Бірақ еш хабар ала алмайды. Өйткені жіберген жігіттері қайтып келмейді. Хан кейін тағы жүз жігіт жібереді. Бірақ олар да қайтып келмейді. Алашаның қасында қалып қояды. Олар Алашаны хан сайлап, оны «Алаша хан» деп атап кетеді. Олар далада аң аулап, мал бағып күн көреді.
Уақыт өте олардың саны көбейеді. Содан кейін адамдар әр жаққа тарай бастайды. Алғашқы жүз жігіттің ұрпақтары оңтүстікке барып, Ұлы жүз деп аталып кетеді. Екінші жүздің ұрпақтары орталықта қалып, Орта жүз атанады. Соңғы жүздің ұрпақтары солтүстікке кетіп, Кіші жүз деп аталып кетеді. Осы себептен қазақтарды «Үш жүздің балалары» деп атап кетеді.
Дереккөз
«Бабалар сөзі. Шежірелік аңыздар».