Кешқұрым

Жұмағұл үйде жұмыс істеп отырды. Әйелі оған Серікбайдың қызы Жанаттың келгенін айтты. Жанат басқа қалада оқитын. Ол бірге оқыған жас жігітпен бірге келді. Екеуі бірнеше жыл бұрын үйлену туралы сөйлескен. Жігіттің ата-анасы да бірге келді. Сондықтан Жанаттың әкесі тойға дайындалып жүрді Жұмағұл бұл хабарды естіді. Жұмағұл ең бастысы қыз бақытты болсын деп ойлады. Біраздан кейін Жұмағұлдың әйелі жылай бастады. Ол: «Біздің де бір қызымыз болса жақсы болар еді. Қай жерде жүрсе де, баламыз бар деп ойлар едік», - деді. Жұмағұл мен әйелінің екі ұлы болған. Екі ұлы да көп оқыған, жақсы білім алған. Әке-шешесі балалары үшін көп еңбек еткен. Бірақ екі ұлы да жас кезінде қайтыс болды. Сондықтан әйелінің сөзі Жұмағұлға ауыр тиді. Ол да өткен өмірін және балаларын ойлап, ұзақ отырды. Екеуі біраз уақыт үндемеді.