Audio player
0:00
--:--
Kazakh Text
Хан бір күні:
– Біз Жиреншені қанша тырыссақ та жеңе алмадық. Енді оны жеңудің бір әдісін ойлайық, – дейді.
Сөйтіп, бір жігітке:
– Ертең ертерек біздің үйге кел. Жиренше кірген кезде қатты осырып, бірден үйден шығып кет. Мен Жиреншеге «Ұста!» деймін. Сонда оның не айтатынын көрейік, – дейді.
Ертеңіне жігіт ханның айтқанын істейді. Жиренше кіргенде ол осырып, тұра жөнеледі. Хан Жиреншеге:
– Ұста! – дейді.
Жиренше далаға шығып, біраздан кейін қайта келеді. Хан:
– Ұстадың ба? – деп сұрайды.
Жиренше:
– Баласы қашып кетті, әкесін ұстап әкелдім, – деп, ханның алдына кепкен тезек тастайды.
Хан ұялып, күліп жібереді:
– Бұған амал жоқ екен! – дейді.
Сөздік:
әдіс ойлау - to devise a way; to think of a method
осыру - to fart
тұра жөнелу - to get up and leave quickly
кепкен - dried; dry
тезек - dried animal dung
амал - way; solution
ұялу - to feel embarrassed; to feel ashamed
Source
Бабалар сөзі. 77-том: Сатиралық ертегілер. Астана: Фолиант, 2011. 45–46-б.