Қожа мен қарақұс

Бір күні Қожа базардан екі келі ет сатып алып, үйіне келе жатады. Кенет бір қарақұс төмен қарай ұшып келіп, оның қолындағы етті іліп әкетеді. Қожа не істерін білмей, абыржып қалады. Содан кейін бір қалқа жерге барып отырады. Біраздан соң қасынан ет алып келе жатқан басқа адам өтеді. Қожа бағанағы құс сияқты оның қолындағы етті жұлып алып, қаша жөнеледі. Әлгі кісі артынан қуып: – Қожеке, мұныңыз қалай? Бұл зорлық қой! Етімді қайтарып беріңіз! – дейді. Қожа оған: – Бұл жердің ырымы осындай екен. Алдымен қарақұстан менің етімді алып бер. Сонда мен де сенің етіңді беремін. Ал оны алып бере алмасаң, жолыңнан қалма, – деп жауап береді. Сөздік: қарақұс - large bird of prey іліп әкету - to snatch and carry off абыржу - to become confused or flustered қалқа - shelter; a sheltered spot жұлып алу - to snatch қуу - to chase зорлық - force; wrongdoing ырым - customary practice; folk belief

Бабалар сөзі: Жүзтомдық. 77-том: Сатиралық ертегілер. Астана: Фолиант, 2011. 311-б.