Мұрагерсіз патша

Бір кезде бір патша өмір сүрген. Ұлы болмағандықтан, ол өзінен кейін елді басқаратын мұрагер туралы армандайды. – Ұлым болса, мұрагерім болар еді, - деп ойлайды. Бір уәзір оған кеңес береді: – Арманы жоқ әйелді табыңыз. Оның дамбалын патшаның әйелі кисе, ұл бала туады, - дейді. Патша әр жерге шабармандарын жібереді. Олар көп жерді аралайды, бірақ арманы жоқ әйел табылмайды. Бәрінің әйтеуір бір арманы бар. Қайтып келе жатқанда, шабармандар отын көтеріп бара жатқан кедей әйелді көреді. Олар оған барғысы келмейді. «Бұл әйелдің де арманы бар шығар», - деп ойлайды. Бірақ «Мүмкін, жолымыз болар» деп әйелді патшаға алып келеді. Патша:– Арманың жоқ па? - деп сұрайды. Әйел:– Арманым да жоқ, дамбалым да жоқ, қараң қалғыр! - деп жауап береді.