Audio player
0:00
--:--
Kazakh Text
Бұрынғы заманда бір адам жол үстіне егін салыпты. Сол егін піскен кезде бір адам көшіп келе жатқанда, оның малы егінді жеп қойыпты. Егінші мен мал иесі ханға келіп, егінші:
– Мынаның малы егінімді жеп қойды, – дейді. Анау:
– Рас, жолмен көшіп келе жатып, қараңғыда жолдан бұрылмай, жол үстіне қондым. Басқа қайда қонамын? Көргенім жоқ, малым жеп қойды, – дейді. Хан:
– Жындысың ба? Елдің жолына неге егін салдың, жұрттың жолмен жүретінін білмедің бе? – дейді. Егінші:
– Сен өзің әйеліңмен бірге балалы болғанда, балаңның өлерін білмедің бе? – деп, жүріп кетіпті. Ханның жалғыз баласы сол кезде ғана қайтыс болған екен дейді. Содан соң хан баласының өлгеніне ренжігенін қойып, тәуба қылыпты.
Сөздік:
егінші - farmer
егін - crop; cultivated field
көшіп келе жату - to travel during a seasonal migration
қараңғы - darkness
ренжу - to be upset; to grieve
тәуба қылу - to accept one’s fate; to turn to God
Source
Бабалар сөзі. 77-том: Сатиралық ертегілер. Астана: Фолиант, 2011. 302-б.